हुतात्मा राजगुरू शैक्षणिक संकुलाचा निकाल शंभर टक्के

हुतात्मा राजगुरू शैक्षणिक संकुल पांडवनगर, पुणे विद्यालयाचा शंभर टक्के निकाल

महा शिक्षण टाइम्स :

रयत शिक्षण संस्थेचे हुतात्मा राजगुरू शैक्षणिक संकुल, पांडवनगर पुणे 16 या संकुलाचा मार्च 2025 एसएससी परीक्षेचा निकाल 100% लागला आहे. यंदाच्या वर्षी सुद्धा 100% निकालाची परंपरा शैक्षणिक संकुलाने राखली आहे.

यावेळी रयत शिक्षण संस्था पश्चिम विभागाचे विभागीय अधिकारी व हुतात्मा राजगुरू शैक्षणिक संकुलाचे प्राचार्य मा. श्री. संजय मोहिते व मुख्याध्यापिका सौ मनीषा गायकवाड यांनी सर्व उत्तीर्ण विद्यार्थ्यांना उज्वल यश प्राप्त झाल्याबद्दल त्यांचे अभिनंदन केले. तसेच अध्ययन अध्यापन करणाऱ्या सर्व शिक्षक वृंदांचे व सेवकांचे त्यांनी अभिनंदन केले. व याही वर्षी दहावीच्या निकाला बरोबरच विविध स्पर्धा परीक्षेमध्ये सुद्धा अशीच कौतुकास्पद कामगिरी करण्यास सर्वांनी तयार राहावे असा मौलिक संदेश त्यांनी दिला.

संकुलातील ख़ुशी आनंद परदेशी या विद्यार्थिनीने 77% गुण मिळवत संकुलात प्रथम क्रमांक येण्याचा मान मिळविला. तर अंकिता गोविंद बिडकर 67 टक्के गुण मिळवत द्वितीय क्रमांक मिळवला तर सानिया मौलाली शेख 60 टक्के गुण मिळवत तृतीय क्रमांक मिळवला.